Թեհրանում կհանդիպեն Իրանի և Թուրքիայի ԱԳ նախարարները

Ըստ որոշ տեղեկությունների՝ Թուրքիայի արտգործնախարար Մևլութ Չավուշօղլուն երկուշաբթի Թեհրանում կհանդիպի իր իրանցի գործընկեր Հոսեյն Ամիր Աբդոլլահիանի հետ, հայտնում է Mehr գործակալությունը։

Սա կլինի Չավուշօղլուի առաջին այցը Թեհրան այն բանից հետո, երբ Ամիր Աբդոլլահիանն Իրանի արտաքին գործերի նախարար է նշանակվել։

Լիբանանյան լրատվամիջոցներն ավելի վաղ հայտնել էին, որ Թուրքիայի արտգործնախարարը Թեհրան այցելելուց հետո հաջորդ շաբաթ կմեկնի Բեյրութ։