Տաջիկստանի ու Ղրղզստանի սահմանին փոխհրաձգություն է

Տաջիկստանի և Ղրղզստանի սահմանին փոխհրաձգություն է սկսվել՝ երկու երկրների սահմանապահների միջև, հայտնում է «Ռիա Նովոստի»-ն՝ հղում անելով ղրղզական սահմանապահ ծառայությանը։

Բիշքեկից հայտնել են, որ տաջիկական կողմը ականանետեր ու նռնականետեր է կիրառում։

Ավելի վաղ հայտնի էր դարձել, որ սահմանապահներն ուժեղացված ծառայության են անցել՝ Տաջիկստանի սահմանին լարվածության պատճառով․ Դուշանբեն միակողմանիորեն փակել է Տորտ-Կոչո բնակավայրի ճանապարհահատվածը, որը կապում է ղրղզական Բատկեն և Իսֆանա քաղաքները։ Լարվածությունը թուլացնելու նպատակով այնտեղ են ժամանել երկու երկրների պաշտոնյաներ։

Իրավիճակը սակայն, ըստ ղրղզական կողմի, սրվել է՝ տաջիկական կողմից ղրղզական սահմանապահ ստորաբաժանումների ուղղությամբ կրակ բացելու հետևանքով։