Աղբամանում հայտնաբերված նորածնի մորը ձերբակալել են

Նովոսիբիրսկում քննիչները ձերբակալել են 22-ամյա մի կնոջ՝ նորածին երեխային սպանելու փորձի կասկածանքով, գրում է РИА Новости-ն։

Ավելի վաղ Նովոսիբիրսկի բազմաբնակարան շենքերից մեկի տարածքում հայտնաբերվել էր պոլիէթիլենային տոպրակի մեջ փաթաթված նորածին, որի լացի ձայնը լսել և շտապօգնություն էր կանչել բնակիչներից մեկը։ Թե որքան ժամանակ էր երեխան անցկացրել ցրտին, հայտնի չէ․ այս պահին գտնվում է վերակենդանացման բաժանմունքում։