Ղազախստանում վայրէջք կատարելիս Ան-2 ինքնաթիռը հրդեհվել է

Ղազախստանի Արալսկ քաղաքի մոտ վայրէջք կատարելիս մասնավոր ավիաընկերությանը պատկանող Ան-2 ինքնաթիռում հրդեհ է բռնկվել, զոհեր և վիրավորներ չկան. հայտնել է Ղազախստանի արդյունաբերության և ենթակառուցվածքների զարգացման նախարարության քաղաքացիական ավիացիայի կոմիտեի մամուլի ծառայությունը։

«Այսօր ժամը 12:30-ին Արալսկից 10 կմ դեպի հարավ վայրէջք կատարելիս Ան-2 ինքնաթիռը հրդեհվել է։ Ինքնաթիռը թռիչք էր կատարում Կիզիլորդա-Արալսկ երթուղով: Ինքնաթիռում եղել է անձնակազմի երկու անդամ և մեկ ուղևոր։ Զոհեր և վիրավորներ չկան», - ասվում է հաղորդագրության մեջ։