«Ոչ ոք չէր մտածում ողջ մնալու կամ զոհվելու մասին, մտածելու մի բան կար՝ Շուշին պետք է պաշտպանել․․․»
- Octopus Media
- Nov 20, 2022
- 1 min read
Լուսանկարիչ Գեղամ Մկրտչյանը ֆեյսբուքյան էջում հրապարակել է լուսանկարներ 44-օրյա պատերազմից և կից գրառմամբ նշել.
«Նայեցի «Ազատության» ֆիլմը Շուշիի անկման մասին․․․ Դժվար ու դաժան օրերի պատկերները ժապավենի պես անցան աչքերիս առաջով՝ ստիպելով նորից զգալ առանց այդ էլ չսպիացող վերքի ցավը։
Ոչ ոք ոչ մի վայրկյան չէր մտածում ողջ մնալու կամ զոհվելու մասին, մտածելու միայն մի բան կար՝ Շուշին պետք է պաշտպանել․ դա՛ է մեր սրբազան պարտքը, ավելի կարևոր առաքելություն չկա․․․
Որպես լուսանկարիչ՝ ինձ համար այդ օրերին արած անհամար լուսանկարները պատերազմի վավերագրությունն են․․․
Այս ֆիլմը խորացրեց անպատասխան հարցերից առաջացած ցասումը․․․ Շուշին հանձնել, երբ այդքան զրկանք կրեցինք, մեր անմահացած եղբայրների արյամբ ներծծվեց մեր հայրենի հողի ամեն մի թիզը․․․ Պետք է գա՛ պատասխան տալու ժամանակը»։
Comentarios