Վիեննայում վերսկսվում են Իրանի հետ բանակցությունները միջուկային համաձայնագրին վերադառնալու շուրջ

Հինգ ամսվա ընդմիջումից հետո Վիեննայում վերսկսվում են միջուկային համաձայնագրի շուրջ բանակցությունները, որոնց մասնակցում են Իրանի, Ֆրանսիայի, Գերմանիայի, Ռուսաստանի, Բրիտանիայի և Չինաստանի ներկայացուցիչները։ BBC-ի փոխանցմամբ՝ ԱՄՆ-ն բուն նիստին չի մասնակցում, սակայն այդ երկրի՝ Իրանի հարցով հատուկ պատվիրակն առանձին խորհրդակցություններ կանցկացնի բանակցությունների մասնակիցների հետ։ Այս բանակցություններից է կախված այն՝ արդյո՞ք Իրանը հնարավորություն կստանա դուրս գալ տնտեսական ծանր ճգնաժամից, որը սրվել է ամերիկյան պատժամիջոցների վերականգնումից հետո։