Վենեսուելայում բեռնատարը մխրճվել է մարդկանց ամբոխի մեջ

Վենեսուելայում ավտոմեքենան մխրճվել է մի խումբ մարդկանց մեջ, ովքեր սպասում էին տեղական մարմինների ընտրությունների արդյունքներին։ Նրանք հավաքված են եղել Լա Կանյադա-դե-Ուրդանետա քաղաքի ընդդիմադիր թեկնածուի տան առջև։

Известия պարբերականի փոխանցմամբ՝ բախման հետևանքով պայթյուն է տեղի ունեցել։ Ըստ ոչ պաշտոնական տվյալների՝ 11 մարդ վիրավորվել է, այդ թվում՝ մեկ անչափահաս։

Ոստիկանության հաղորդմամբ՝ տեղի ունեցածը քաղաքական շարժառիթներ չի ունեցել։ Բեռնատարում եղել է 2 հարբած տղամարդ։