Sky Up-ի ինքնաթիռը վայրէջք է կատարել Քիշնևում Ուկրաինայի տարածք մուտքի արգելքի պատճառով

Ուկրաինական Sky Up ավիաընկերության ինքնաթիռը վայրէջք է կատարել Քիշնևում, քանի որ արգելել են մտնել Ուկրաինայի օդային տարածք։ Այս մասին հայտարարել է փոխադրողի մամուլի ծառայությունը։

Ընկերությունում պարզաբանել են, որ UR-SQO բորտային համարով օդանավը, որը Մադեյրայից ուղևորվում էր Կիև, հարկադրված է եղել վայրէջք կատարել Մոլդովայի մայրաքաղաքում սեփականատիրոջ պահանջների պատճառով:

«2022 թվականի փետրվարի 12-ին Իռլանդիայի ռեզիդենտ լիզինգատերը հայտնել է ավիաընկերությանը UR-SQO ինքնաթիռի թռիչքն Ուկրաինայի օդային տարածք անհապաղ արգելելու մասին։ Չնայած ավիաընկերության բոլոր ջանքերին և Ուկրաինայի պետական կառույցների պատրաստակամությանը՝ դիմել վարձակալին, ինքնաթիռի սեփականատերը կտրականապես մերժել է այն ժամանակ, երբ օդանավն արդեն կատարում էր դեպի Կիև չվերթը»,- ասված է հաղորդագրության մեջ:

Նշվում է, որ SkyUp-ը պայմանավորվել է վայրէջք կատարել Ուկրաինային մոտ օդանավակայանում: Ինքնաթիռում 175 ուղևոր է եղել։