Թատրոնի և կինոյի ինստիտուտը հավերժացրեց իր անմահացած սաների հիշատակը (լուսանկարներ)

Այսօր՝ նոյեմբերի 23-ին, Երևանի Թատրոնի և կինոյի պետական ինստիտուտում տեղի ունեցավ փառքի պատի բացում՝ նվիրված 44-օրյա պատերազմի ժամանակ զոհված՝ բուհի ուսանողների հիշատակին։

Հեղինակը քանդակագործ Դավիթ Մինասյանն է։ Այն կազմված է սալիկներից, որոնց վրա փորագրված է զոհված 6 ուսանողների անունները։

Տղաների հիշատակն անմահացվել է բուհի ռեկտոր Լիլիթ Արզումանյանի աջակցությամբ, փառքի պատի կառուցմանն օժանադակել է նաև Երիտասարդական թատրոնը՝ ի դեմս տնօրեն Արսեն Ազիզյանի։

Թատրոնի և կինոյի պետական ինստիտուտը պահում է կապը զոհված ուսանողների ընտանիքների հետ, այցելում նրանց հարազատներին։

Միջոցառմանը ներկա էին զոհված զինծառայողների կուրսընկերները, դասախոսներն ու ուսանողներ։ Ներկաները փառքի պատի մոտ ծաղիկներ խոնարհեցին, տեղի ունեցավ մոմավառություն։

MediaHub.am-ը ներկայացնում է միջոցառումը՝ լուսանկարներով։