Սև լճի տարածքում բանակցություններ են ընթանում, ադրբեջանական կողմը նոր հենակետ է փորձում տեղադրել

Այսօր տարբեր լրատվամիջոցներ վաղ առավոտից տեղեկություններ են տարածում, որ Սև լճի տարածքում իրավիճակը կրկին լարվել է, թշնամու կողմից կուտակումներ են նկատվում։ Բացի այդ, ծեծկռտուք է տեղի ունեցել հայ և ադրբեջանցի դիրքապահների միջև։

MediaHub.am-ի տեղեկություններով՝ այս պահին ռուս խաղաղապահների միջնորդությամբ բանակցություններ են ընթանում, որպեսզի ադրբեջանական ուժերը նախորդ օրվա ընթացքում ունեցած առաջխաղացման դիրքերից հետո նաhանջեն և նոր տեղակայած հենակետը հանեն։

MediaHub.am-ը կապ հաստատեց Գորիսի փոխհամայնքապետ Մենուա Հովսեփյանի հետ։ Նա նշեց, որ տարբեր լուրեր են շրջանառվում, հստակ տեղեկատվության այս պահին չի տիրապետում, իսկ դիրքերում գտնվող զինծառայողների հետ կապ հաստատել չի հաջողվում։

Արմինե Նավոյան