Փաշինյանի խորհրդական Ռոբերտ Ղուկասյանը 2 ամիս կմնա Սյունիքում

Նիկոլ Փաշինյանի ստորագրած որոշման համաձայն՝ խորհրդական Ռոբերտ Ղուկասյանը երկու ամսով գործուղվել է Սյունիք:Հրամանի մեջ, սակայն նշված չէ՝ ինչ է անելու պաշտոնյան Սյունիքում:

«Ղեկավարվելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասով`

1. Հայաստանի Հանրապետության վարչապետի խորհրդական Ռոբերտ Ղուկասյանին 2022 թվականի փետրվարի 16-ից մինչև ապրիլի 16-ը ներառյալ գործուղել Հայաստանի Հանրապետության Սյունիքի մարզ:

2. Ռոբերտ Ղուկասյանի՝ Հայաստանի Հանրապետության Սյունիքի մարզ գործուղման հետ կապված ծախսերը կատարել Հայաստանի Հանրապետության 2022 թվականի պետական բյուջեով նախատեսված Հայաստանի Հանրապետության վարչապետի աշխատակազմի պահպանման ծախսերում ներքին գործուղումների համար նախատեսված միջոցների հաշվին»,- նշված է հրամանում:

Նշենք, որ Ճամբարակի համայնքի ղեկավարի նախկին խորհրդական, կալավանցի Ռոբերտ Ղուկասյանը Փաշինյանի խորհրդական է նշանակվել 2019թ.-ի օգոստոսի 22-ին: Պատերազմից հետո նա պարբերաբար երկար ժամանակով գործուղվում է Սյունիքի մարզ: