Անվանվել է այն ըմպելիքը, որը ցանկալի չէ օգտագործել «օմիկրոն»-ով վարակվելու դեպքում

COVID-19-ի «օմիկրոն» շտամով հիվանդանալուց հետո վերականգնման ժամանակահատվածում պետք է խուսափել կոֆեին և այլ խթանիչներ պարունակող ըմպելիքներ օգտագործելուց,- Gazeta.ru-ին հայտնել է նյարդաբան Իգոր Մացոկինը։

Կորոնավիրուսով վարակվելուց հետո մարդիկ հաճախ ունենում են հոգնածության զգացում և փորձում են թոթափել այն իրենց ծանոթ եղանակներով, օրինակ՝ սուրճ ըմպելով։ Այնուամենայնիվ, կոֆեինն օրգանիզմում ոչնչացնում է ադենոզին տրիֆոսֆորաթթուն, որը նպաստում է առողջ նյութափոխանակությանը: Մացոկինն ընդգծել է, որ սովորաբար օմիկրոնից հետո մարդկանց մոտ այս թթվի պաշարներն արդեն շատ ցածր են լինում։

«Հենց հետկորոնավիրուսային ժամանակահատվածում ավելի լավ է նվազագույնի հասցնել կոֆեին պարունակող խթանիչների ազդեցությունը: Կոֆեինը հանգեցնում է ջրազրկման և, որպես հետևանք, արյան մակարդման ավելացմանը: Արյան մեջ միկրոէլեմենտների նվազումը, ինչպիսին է կալիումը, բացասաբար է ազդում սրտի և սրտանոթային համակարգի աշխատանքի վրա»,- ասել է բժիշկը։

Մացոկինը խորհուրդ է տվել «օմիկրոն» շտամով հիվանդացածներին կոֆեին պարունակող խմիչքները ներառել սննդակարգում աստիճանաբար: Սուրճից հետո որոշ ժամանակ այն կարելի է ավելացնել թույլ թեյ՝ կանաչ կամ սպիտակ։