Մանկապարտեզներն այսօրվանից կրկին կգործեն

Արարատի մարզի Մասիս խոշորացված համայնքի ենթակայությամբ գործող մանկապարտեզներն այսօրվանից կրկին գործում են։ Այս մասին MediaHub.am-ին հայտնեց մանկապարտեզներից մեկի աշխատակիցը, նշելով, որ այսօր արդեն բարձր հաճախելիություն ունեն։

Մասիսի համայնքապետարանից էլ հայտնեցին, որ երեք մանկապարտեզ դեռևս կշարունակի փակ մնալ։ Խոսքը Դարբնիկ և Նոր Կյուրին գյուղերի մանկապարտեզների և Ջրահովիտ գյուղի «Մարիա» մսուր-մանկապարտեզի մասին է։

Հիշեցնենք, որ Մասիս համայնքի բոլոր մանկապարտեզների գործունեությունը սուր շնչառական վարակիչ հիվանդությունների տարածմամբ պայմանավորված՝ դադարեցվել էր փետրվարի 9-ից։