top of page

ՄԱԿ-ի Անվտանգության խորհրդի 6 երկրներ չեն միացել Հյուսիսային Կորեայի վերաբերյալ ԱՄՆ հայտարարությանը



ՄԱԿ-ի Անվտանգության խորհրդի վեց երկրներ՝ Ռուսաստանը, Չինաստանը, Հնդկաստանը, Մեքսիկան, Գանան և Գաբոնը, չեն միացել Հյուսիսային Կորեայի վերաբերյալ ԱՄՆ-ի առաջարկած հայտարարությանը: Հայտարարությունը հրապարակել է ՄԱԿ-ում ԱՄՆ մշտական ներկայացուցիչ Լինդա Թոմաս-Գրինֆիլդը:


Փակ խորհրդակցության արդյունքներով համատեղ հայտարարությամբ են հանդես եկել ԱՄՆ-ը, Մեծ Բրիտանիան, Ֆրանսիան, Իռլանդիան, Ճապոնիան, Նորվեգիան, ԱՄԷ-ն, Ալբանիան և Բրազիլիան։


«Հունվարի 30-ին ԿԺԴՀ-ից միջին հեռահարության բալիստիկ հրթիռի արձակումը ՄԱԿ-ի Անվտանգության խորհրդի բանաձևերի հերթական լուրջ խախտումն է: Այն ուղղված էր տարածաշրջանի հետագա ապակայունացմանը։ Մենք վճռականորեն դատապարտում ենք այդ ապօրինի գործողությունները»,- ասված է հայտարարության տեքստում:


ՄԱԿ-ում Չինաստանի մշտական ներկայացուցիչը կոչ է արել Միացյալ Նահանգներին ավելի ճկուն լինել Հյուսիսային Կորեայի հետ հարաբերություններում:


«ԱՄՆ-ը պետք է առաջարկի ավելի գրավիչ, ավելի գործնական և ճկուն մոտեցումներ, քաղաքականություն ու գործողություններ, որոնք հաշվի են առնում նաև ԿԺԴՀ-ի շահերը»,- դիվանագետի խոսքն է մեջբերել Reuters-ը:

Comentarios


1/465

LATEST NEWS​​

bottom of page