Խոշոր ավտովթարի հետևանքով հոսպիտալացված վարորդներից մեկը մահացել է

Փետրվարի 10-ին հիվանդանոցում մահացել է Երևանի բնակիչ, 62-ամյա Մելիք Ջանվելյանը, գրում է shamshyan.com-ը։

Վերջինս հիվանդանոց էր տեղափոխվել փետրվարի 9-ին Տավուշի մարզում տեղի ունեցած խոշոր ավտովթարի հետևանքով։ Հիվանդանոց էր տեղափոխվել նաև Ford մակնիշի ավտոմեքենայի վարորդը։ Մ. Ջամվելյանը վարելիս է եղել Opel մակնիշի ավտոմեքենան։

Փետրվարի 9-ին խոշոր ավտովթար էր տեղի ունեցել Տավուշի մարզում: Ժամը 16:30–ի սահմանում Երևան-Սևան-Իջևան ավտոճանապարհի 105-րդ կմ հատվածում ճակատ-ճակատի բախվել էին Տավուշի մարզի բնակիչ, 35-ամյա Զորիկ Ավագյանի վարած Ford մակնիշի և Երևանի բնակիչ, 62-ամյա Մելիք Ջանվելյանի վարած Opel մակնիշի ավտոմեքենաները: Վթարի հետևանքով Opel-ի վարորդը մարմնական վնասվածքներով տեղափոխվել էր «Դիլիջան» բժշկական կենտրոն: