Լիվերպուլում տաքսիստը կանխել է ահաբեկչություն

Բրիտանական Լիվերպուլ քաղաքում տաքսիստը ենթադրյալ ահաբեկչին փակել է մեքենայի մեջ մինչ ռումբի պայթելը։ Այդպիսով, նա կանխել է հիվանդանոցում կատարվելիք ահաբեկչական հարձակումը. այդ մասին հայտնում է The Sun-ը։

Տաքսիստ Դեյվ Փերին դուրս է ցատկել մեքենայից այն պահին, երբ պայթուցիկ սարքով տղամարդը մոտեցել է։ Տաքսիստը նրան փակել է մեքենայի սրահում։ Ենթադրյալ ահաբեկիչը մահացել է։

Փերիի առողջական վիճակը կայուն է․ նա այրվածքներով, բեկորային վնասվածքներով գտնվում է հիվանդանոցում։ Համացանցում դրամահավաք է սկսվել տուժած լիվերպուլցի հերոսի բուժման համար։