Դոնբասի ղեկավարները խնդրել են Պուտինից ճանաչել իրենց անկախությունը

Դոնեցկի եւ Լուգանսկի ժողովրդական հանրապետությունների ղեկավարներ Դենիս Պուշիլինն ու Լեոնիդ Պասեչնիկը դիմել են Ռուսաստանի նախագահ Վլադիմիր Պուտինին՝ խնդրելով ճանաչել ԴԺՀ եւ ԼԺՀ անկախությունը։ Բացի այդ, նրանք խնդրել են Ռուսաստանի նախագահին դիտարկել ռազմատեխնիկական եւ ռազմական գործակցության պայմանագիր կնքելու հնարավորությունը։ Դոնեցկի ԺՀ ղեկավարը հայտարարել է, որ Ուկրաինայում որոշել են հակամարտությունը կարգավորել ուժային եղանակով։ Պուշիլինը նկատել է, որ Դոնբասի բնակիչներն իրենց ռուս են զգում եւ նրանց գլխավոր նպատակը Ռուսաստանի հետ ինտեգրացիան է։