Կան նույնականացված մասունքներ, մարմիններ, որոնք դեռ հուղարկավորված չեն. Անահիտ Ավանեսյան
«Մենք ունեինք դժվար հետազոտվող մասունքներ, որոնք քայքայցած էին և դժվար էր դրանցից ԴՆԹ առանձնացնելը։ Կառավարության նիստից հետո լրագրողների հետ զրույցում ասաց Անահիտ Ավանեսյանը։
«100-ից ավելի մասունք ուղարկեցինք Հոլանդիա, ստացանք դրանց արդյունքները և այդ փուլը ևս ավարտվել է։ Կարելի է ասել, որ նույնականացման գործընթացն ամբողջովին մենք ավարտել ենք և ներկայումս հետազոտման մեջ չունենք որևէ փորձանմուշ»,- ասաց նա։
Նախարարը հայտնեց, որ կան նույնականացված մասունքներ, մարմիններ, որոնք դեռ հուղարկավորված չեն։ Կան նաև մասունքեր, որոնց նույնականացումն անհնար է իրականացնել, դրանք առանձին արխիվացված են, սակայն թվեր չնշեց, ասաց, որ թվերի հետ կապված պատկան մարմինը Քննչական կոմիտեն է և ինքը թվեր հնչեցնելու իրավասություն չունի։
Նախարարը նաև ավելացրեց, որ 2021թ ավարտել են դատաբժշկական կենտրոնների, դիահերձարանների վերանորոգման աշխատանքները և այս պահին գոյություն ունեցող դիահերձարանները կարելի է ասել համապատասխանում են անհրաժեշտ չափանիշներին, դրանք վերանորոգված են, կահավորված են, ապահոված են սառնարաններով։
Comments