Իրանում ահաբեկչական խմբավորում է վնասազերծվել

Իրանի իսլամական հեղափոխության պահապանների կորպուսի ցամաքային զորքերը ահաբեկչական խմբավորում են ոչնչացրել. այդ մասին հայտնում է Mehr գործակալությունը։

Խմբավորումը վնասազերծվել է Սարավան քաղաքում։ Բախման հետևանքով սպանվել է խմբավորման 4 անդամ։ Սպանված ահաբեկիչների մոտ հայտնաբերվել է մեծ քանակության զինտեխնիկա և զինամթերք։

Հաղորդվում է, որ խմբավորումը ահաբեկչական հարձակումներ էր պլանավորում Սարավան շրջանում։