Հնդկաստանում ընձառյուծը ներխուժել է դպրոց. կան տուժածներ (տեսանյութ)

Հնդկաստանում ընձառյուծը մտել է դպրոց և կծել աշակերտներից մեկին. հայտնում է BBC-ն։

Դեպքը տեղի է ունեցել երկրի հյուսիսային Ալիգարհ քաղաքում։ Աշակերտը թեթև վնասվածքներ է ստացել և հասցրել դուրս փախչել դասարանից։

Ընձառյուծին բռնել են ու քնեցրել։ Պաշտոնատար անձանց հայտարարությամբ՝ գիշատիչը դպրոց էր մտել հարակից անտառից։

Ընձառյուծների և մարդկանց միջև դիմակայությունը Հնդկաստանում սովորական երևույթ է դարձել, քանի որ բնակության միջավայրի կրճատումը ստիպում է կենդանիներին սնունդ փնտրել գյուղերում ու քաղաքներում։