ՀԲ-ի ներկայացուցիչներն իրենց աջակցությունն են հայտնել առողջապահական համակարգի բարեփոխումներին

Համաշխարհային բանկի հայաստանյան գրասենյակում առողջապահության նախարար Անահիտ Ավանեսյանի, ֆինանսների նախարար՝ Տիգրան Խաչատրյանի և ՀԲ ներկայացուցիչների մասնակցությամբ ծավալվել է Համապարփակ առողջապահական ծածկույթի ներդրման թեմայով քննարկում։ Այս մասին հայտնում են ՀՀ Առողջապահության նախարարությունից։

Օրակարգում եղել են առողջության ապահովագրության ներդրման, բժշկական ծառայությունների մատուցման, ֆինանսավորման և կառավարման առաջնահերթությունների վերաբերյալ հարցեր։

Ներկայացնելով ծրագրի բաղադրիչները` նախարարը նշել է, որ բարեփոխումներն ուղեկցվելու են առողջապահական համակարգի և բժշկական ծառայությունների լիակատար վերակազմակերպմամբ։

Համաշխարհային բանկի ներկայացուցիչներն իրենց աջակցությունն են հայտնել առողջապահական համակարգում նախատեսվող հավակնոտ բարեփոխումներին։