«Հայրենիք» կուսակցության՝ Արտաշատ համայնքի ավագանու թեկնածուները դադարեցնում են քարոզարշավը

«Հայրենիք» կուսակցության՝ Արտաշատ համայնքի ավագանու թեկնածուները դադարեցնում են նախընտրական քարոզարշավը։ Նրանք հայտարարություն են տարածել, որում, մասնավորապես, նշված է․

«Սիրելի արտաշատցիներ.

«Հայրենիք» կուսակցության՝ Արտաշատ խոշորացված համայնքի ավագանու թեկնածուները՝ համայնքի ղեկավարի թեկնածու Անդրանիկ Կիրակոսյանի գլխավորությամբ, անժամկետ դադարեցնում են նախընտրական քարոզարշավի շրջանակում հանդիպումները համայնքների բնակիչների հետ, մեր հայրենիքի սահմաններին ծավալված ռազմական գործողությունների պատճառով։

Աստված պահապան և զորավիգ, մեր պետությանն ու բանակին»։