Հայաստանում Բելառուսի դեսպանն այսօր կանչվել է ՀՀ ԱԳՆ

Հայաստանում Բելառուսի դեսպան Ալեքսանդր Կոնյուկին այսօր կանչվել է ՀՀ ԱԳՆ-ում։ «Փաստինֆո»-ի տեղեկությունները հաստատել է ՀՀ ԱԳՆ մամուլի խոսնակ Վահան Հունանյանը՝ նշելով, որ դեսպանն այսօր եղել է ԱԳՆ-ում, սակայն հրաժարվեց այլ մեկնաբանություն տալ:

Հավանաբար, դեսպանը կանչվել է ԱԳՆ՝ Լուկաշենկոյի հայտարարությունների հետ կապված։

Հիշեցնենք, որ երեկ Վլադիմիր Սոլովյովին տված հարցազրույցում Բելառուսի նախագահ Ալեքսանդր Լուկաշենկոն հայտարարել էր՝ «Հայաստանը գնալու տեղ չունի։ Կարծում եք նրանք ինչ-որ մեկին պե՞տք են: Նրանք արդեն տեսել են, Նիկոլ Վովաևիչը տեսել է դա»։