Google-ը WhatsApp-ին կզրկի կարեւոր գործառույթից

Google-ը կզրկի Android-ով աշխատող WhatsApp-ի օգտատերերին չաթի կրկնօրինակների անսահմանափակ պահեստավորման հնարավորությունից, հայտնում է WABetaInfo պորտալը։ Այժմ բոլոր պահպանված հաղորդագրությունները տեղ կզբաղեցնեն, ինչպես, օրինակ, մեդիա ֆայլերը, հաղորդում է Gazeta-ն։

Google-ի քաղաքականության փոփոխությունների մասին տեղեկություն է հայտնաբերվել մեսենջերի բետա տարբերակներից մեկում։

Նորարարության թողարկումից հետո Google Drive-ը կզգուշացնի օգտատերերին, երբ լրացվի WhatsApp-ի չաթերի կրկնօրինակների պահպանման սահմանաչափը։

Դեռ հայտնի չէ, թե փոփոխությունները երբ ուժի մեջ կմտնեն։

Չաթերի կրկնօրինակների անսահմանափակ պահպանման հնարավորությունը հասանելի է միայն Android սարքերի օգտատերերի համար: Apple-ը iPhone-ի սեփականատերերին չի տրամադրել նմանատիպ գործառույթ:

Google-ն արդեն հրաժարվել է լուսանկարների պահպանման համար անվճար տարածքի տրամադրումից Google Photos-ում: