Աշխարհում COVID-19-ի դեպքերի թիվը գերազանցել է 376 միլիոնը

Աշխարհում կորոնավիրուսի հայտնաբերված դեպքերի թիվը պանդեմիայի մեկնարկից ի վեր կազմում է 376 478 335։ Այս մասին է հայտնում Առողջապահության համաշխարհային կազմակերպությունը։ Այդ ողջ ընթացքում գրանցվել է մահվան 5 666 064 դեպք։

ԱՀԿ տվյալներով՝ մեկ օրում COVID-19-ով հիվանդների թիվն ավելացել է 1 913 949-ով, մահվան դեպքերինը՝ 6331-ով։

Վարակման դեպքերի զգալի մասը գրանցվել է ԱՄՆ-ում (73 531 094): Հնդկաստանում վարակվել է 41 469 499 մարդ, Բրազիլիայում՝ 25 348 797, Ֆրանսիայում՝ 18 643 094, Մեծ Բրիտանիայում՝ 17 986 913։

Մահվան դեպքերով առաջին տեղում է ԱՄՆ-ը (875 755), նրան հաջորդում են Բրազիլիան (626 854) և Հնդկաստանը (496 242)։