Արցախում կորոնավիրուսից մարդ է մահացել

Արցախում կորոնավիրուսի 45 նոր դեպք է գրանցվել, վարակակիրների թվում են նաև երեխաներ։ Այդ մասին հայտնում են ԱՀ Առողջապահության նախարարությունից։

Կատարվել է 142 թեստավորում։ Արձանագրվել է մահվան դեպք 1։ Այս պահին ստացիոնար բուժվողների թիվը 31 է։ 2022 թվականին կատարվել է 3086 թեստավորում, հաստատվել է կորոնավիրուսային հիվանդության ընդհանուր 506 դեպք: Ընդհանուր առմամբ, կորոնավիրուսի հետևանքով մահվան 18 դեպք է արձանագրվել: Արցախի Հանրապետության առողջապահության նախարարությունը կրկին հորդորում է հետևել ցուցումներին՝ նոր բռնկումներից խուսափելու և օր առաջ կորոնավիրուսային վարակը հաղթահարելու: