top of page

Ապօրինի պահվող հրացաններ են հայտնաբերվել


Փետրվարի 2-ին Տաշիրի ոստիկանների աչալուրջ ծառայության շնորհիվ ապօրինի պահվող հրացաններ առգրավվեցին։ Ժամը 17-ին բաժնի քրեական հետախույզները Տաշիր քաղաքի Երևանյան-Լճափնյա փողոցների խաչմերուկում, շրջայցի ժամանակ, նկատել էին «ՎԱԶ 2121» մակնիշի մեքենա, որի սրահում հրացաններ կային: Վարորդը Տաշիր քաղաքի բնակիչ էր, երկու ուղևորները՝ Նորաշեն գյուղի:


Ստուգման արդյունքում պարզվեց, որ «BM-16», «ԻԺ» և «Վալտեր» տիպի հրացաններից միայն վարորդին պատկանող «Վալտերն» էր օրինական, իսկ երկու ուղևորների հրացաններն ապօրինի էին։ Ըստ նրանց՝ դրանք պատկանել են հանգուցյալ պապերին:


Բացի այդ, ոստիկանները մեքենայի բեռնախցիկում հայտնաբերեցին աղվեսի մորթի: Ըստ 31-ամյա վարորդի՝ նույն օրը Նորաշեն գյուղի սարում իր անվամբ հաշվառված «Վալտեր»-ով ինքն էր որսացել աղվեսն ու առանձնացրել մորթին: Հայտնաբերվեց նաև որսորդական դանակ։


Մեքենան տեղափոխվել է բաժնի հատուկ պահպանվող տարածք:


Հրացաններն առգրավվել են:


Նշանակվել է դատաձգաբանական փորձաքննություն։


Փաստի առթիվ նախապատրաստվում են նյութեր:

Комментарии


1/465

LATEST NEWS​​

bottom of page