Ալեք Բոլդուինը հայտարարել է, որ «Ժանգը» ֆիլմի նկարահանման հրապարակում չի սեղմել ձգանը

Դերասան Ալեք Բոլդուինը «ABC» հեռուստաալիքին տված հարցազրույցում աղմկահարույց հայտարարություն է արել «Ժանգը» ֆիլմի նկարահանման հրապարակում կհնչած կրակոցի վերաբերյալ, որի արդյունքում սպանվել է կին օպերատոր Հալինա Հատչինսը։

Դերասանի խոսքով՝ ինքը չի սեղմել ատրճանակի ձգանը, որից կատարած կրակոցից մահացել է օպերատոր Հատչինսը։

«Ո՛չ, ո՛չ, ո՛չ։ Ես երբեք և ոչ ոքի ուղղությամբ չէի պահի ատրճանակը և չէի սեղմի ձգանը։ Երբեք», - հայտարարել է Բոլդուինը։