Գերմանիայի կանցլերն այսօր կհանդիպի Բայդենի հետ
- Octopus Media
- Feb 9, 2024
- 1 min read
Գերմանիայի կանցլեր Օլաֆ Շոլցն այսօր կհանդիպի ԱՄՆ նախագահ Ջո Բայդենի հետ, հայտնում է Bild-ը։ Ամերիկացի քաղաքագետ Յան Բրեմմերը հանդիպման նախօրեին քննադատել է Գերմանիայի առաջնորդին։
«Գերմանական հասարակության տրամադրությունը վերջին մեկ տարվա ընթացքում վատթարացել է: Հիմնականում պատճառն այն է, որ տնտեսությունը տատանվում է, իսկ գնաճը խնդիրներ է առաջացնում. աշխատողները դժգոհ են, բիզնեսի ղեկավարները՝ հիասթափված», - ասել է Բրեմմերը:
Շոլցն արդեն ընթրիքի սեղանի շուրջ հանդիպել է Կոնգրեսի անդամների հետ, և այսօր նախատեսված է կանցլերի և ամերիկյան բիզնեսի ներկայացուցիչների նախաճաշը։ Բացի Մերձավոր Արևելքից, տնտեսական հարաբերություններից և ՆԱՏՕ-ից, գլխավոր թեման, ամենայն հավանականությամբ, կլինի Ուկրաինայում պատերազմը։
ԱՄՆ Կոնգրեսի հանրապետականները շարունակում են արգելափակել աջակցությունն Ուկրաինային, ուստի Շոլցը, ըստ վերլուծաբանների, առաջին հերթին կխոսի Կիևին օգնելու մասին։
Comments