ՌԴ ԱԳՆ հատուկ ներկայացուցիչը Բաքվում է, մոտ ապագայում կայցելի նաև Երևան. Զախարովա

ՌԴ Արտաքին գործերի նախարարի հատուկ ներկայացուցիչ Իգոր Խովաևն այժմ գտնվում է Բաքվում և ծրագրել է շփումներ անցկացնել ադրբեջանցի գործընկերների հետ, այդ թվում՝ խաղաղության պայմանագրի թեմայով։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Մենք ելնում ենք նրանից, որ նա կշարունակի իր շրջագայությունը տարածաշրջանով և մոտ ապագայում կկարողանա այցելել Երևան և բարեկամաբար, գործընկերային ձևով քննարկել բոլոր մանրամասները, որ այդ շփումները Հայաստանի համար օգուտ ունենան», - ասել է նա