Ռուսական զորքերը կլքեն Բելառուսը․ Պեսկով

Ռուսական զորքերը զորավարժությունների ավարտից հետո կլքեն Բելառուսի տարածքը, նրանց մնալու մասին երբեք խոսք չի եղել. հայտարարել է ՌԴ նախագահի մամուլի քարտուղար Դմիտրի Պեսկովը:

«Ոչ ոք երբեք չի ասել, որ ռուսական զորքերը կմնան Բելառուսի տարածքում, դա երբեք չի քննարկվել: Խոսքը դաշնակիցների զորավարժությունների մասին է, և, իհարկե, հասկանալի է, որ այդ զորավարժությունների ավարտից հետո զորքերը կվերադառնան իրենց դիրքեր», - ասել է Պեսկովը։