Իսպանիայում կարկուտի պատճառով տասնյակ մեքենաներ են բախվել

Իսպանիայի Բարսելոն նահանգում փետրվարի 14-ի երեկոյան մի քանի տասնյակ ավտոմեքենաներ են բախվել, ինչի հետևանքով առնվազն 30 մարդ վիրավորվել է, հայտնում է Euro Weekly News-ը՝ վկայակոչելով բուժաշխատողներին։

Կատալոնիայի ճանապարհային ծառայության տվյալներով՝ վթարվել է մոտ 30 տրանսպորտային միջոց։ Որոշ տեղական լրատվամիջոցներ հայտնում են 50 մեքենայի մասին։

Որպես զանգվածային վթարի պատճառ նշվում է վատ եղանակը և ուժեղ կարկուտը։