Հրապարակից կան բերման ենթարկվածներ և հատուկ պահպանվող տարածք տեղափոխված մեքենաներ

Ինչպես արդեն հայտնել ենք, այսօր մի շարք վարորդներ բողոքի ակցիա են իրականացնում Հանրապետության հրապարակում։ Նրանք բողոքում են ԱՊՊԱ-ի թանկացման դեմ։

MediaHub.am-ի հարցին ի պատասխան ոստիկանությունից հայտնեցին, որ ակցիայի 5 մասնակից բերվել է ոստիկանություն ՎԻՎ օրենսգրքի 182 հոդվածով նախատեսված արարքի համար և 3 տրանսպորտային միջոց տարվել է պահպանվող հատուկ տարածք երթևեկությանը խոչընդոտելու համար։

Ավելի վաղ MediaHub.am-ը գրել էր, որ ԱՊՊԱ պայմանագրերի համար այսուհետ ավելի թանկ են վճարելու վարորդները, ինչն էլ բողոքի ալիք է բարձրացրել նրանց շրջանում։

Արմինե Նավոյան