top of page

«Ճանապարհային դեպարտամենտ»-ը տեղեկացնում է, թե որ մարզերում է այս պահին ձյուն տեղում


«Ճանապարհային դեպարտամենտ» հիմնադրամից հայտնում են․

«Հունվարի 10-ին՝ ժամը 19։45-ի դրությամբ, առատ ձյան պատճառով Ջերմուկի խաչմերուկից մինչև Սիսիանի խաչմերուկ և Լծեն - Տաթև ճանապարհահատվածները կցորդով տրանսպորտային միջոցների համար փակ են։

Վարդենյաց լեռնանցքը դժվարանցանելի է կցորդով տրանսպորտային միջոցների համար։

Դիլիջանի, Մարտունիի, Եղեգնաձորի, Վայքի, Սիսիանի, Մեղրիի տարածաշրջաններում ձյուն է տեղում։

Տավուշի և Գորիսի տարածաշրջանների ավտոճանապարհներին մառախուղ է, տեսանելիությունը՝ 30-50 մետր։

Միջպետական և հանրապետական նշանակության մյուս ավտոճանապարհները բաց են:

Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ:

Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել բացառապես ձմեռային անվադողերով»,- ասվում է հաղորդագրության մեջ։

Comments


1/465

LATEST NEWS​​

bottom of page