Բիտքոինի արժեքը նվազել է 7%-ով

Բիտքոինի արժեքը մեկ օրում 7%-ի անկում է գրանցել՝ հասնելով 41․1 հազար դոլարի. այդ մասին են վկայում Binance կրիպտոարժութային բորսայի տվյալները։

Բիտքոինի արժեքը նվազում է արդեն երկրորդ օրն անընդմեջ։

Ամսվա սկզբից կրիպտոարժույթի գինը բարձրացել է 6,7%-ով։ Ամենանկատելի օրական աճը եղել է փետրվարի 4-ին, երբ բիտքոինը թանկացել է 11,5%-ով։ Տարեսկզբից բիտքոինն ընդհանուր առմամբ արժեզրկվել է 11%-ով։

Անցած տարվա արդյունքներով՝ բիտքոինը թանկացել է 1,6 անգամ՝ 28,9 հազար դոլարից հասնելով 46,2 հազար դոլարի։