Ամուսնական գործակալություններ․ ովքեր և ինչպես են դիմում հայկական ընտանիք կազմելու համար

Ծանոթ-բարեկամի միջոցով լավ տղա կամ աղջիկ գտնելու ժամանակներն անցել են, հիմա բարեխոսություն անողներին փոխարինելու են եկել ամուսնական գործակալությունները, որոնք գտնում են աղջիկների ուզած բոյով-բուսաթով, աշխատող տղաներին և տղաների նախընտրած՝ հեզ ու հնազանդ, տնարար հարսներին։

Այս գործակալություններն էլ աղջկա հարազատների պես քմահաճ են. աշխատանք չունեցող տղային հարս չեն տալիս, տղայի ընտանիքի անդամների պես էլ ամեն մանրուք հաշվի են առնում և փորձում հարևանի հարսից ավելի սիրունին ու լավին գտնել։