Մոսկվան և Բաքուն պայմանավորվել են Ղարաբաղում խաղաղապահների շուրջ բանակցությունների ժամկետների շուրջ

Ռուսաստանն ու Ադրբեջանը համաձայնեցնում են Ղարաբաղում ռուսական խաղաղապահ կոնտինգենտի շուրջ բանակցությունների հաջորդ փուլի ժամկետները։ Այս մասին «Իզվեստիա» թերթին տված հարցազրույցում հայտարարել է Ադրբեջանում Ռուսաստանի դեսպան Միխայիլ Եվդոկիմովը։

ՌԴ դեսպանը նաև նշել է, որ Ռուսաստանում նախագահական ընտրությունների ժամանակ Ադրբեջանում Ռուսաստանի Դաշնության քաղաքացիները կկարողանան քվեարկել մեկ ստացիոնար և երկու շարժական տեղամասերում:

«Ռուսաստանում նախագահական ընտրությունների ժամանակ Ադրբեջանում Ռուսաստանի Դաշնության քաղաքացիները կկարողանան քվեարկել մեկ ստացիոնար և երկու շարժական տեղամասերում»,– ասել է Միխայիլ Եվդոկիմովը:

Ըստ նրա՝ դրանցից մեկը գտնվում է «Ղարաբաղի մարզի Խանքենդիում» (Ստեփանակերտում): Դեսպանը դա բացատրել է նրանով, որ Ստեփանակերտում տեղակայված է ռուսական կոնտինգենտը: